Médiku-sira prepara hela vasina hodi oferese ba komunidade. Imajen Tatoli/António Gonçalves.

DILI, 01 setembru 2021 (TATOLI)-Ekipa Ministériu Saúde (MS) liuhosi  Inspetór Jerál Duarte Ximenes, kuarta ne’e, hala’o advokasia kona-ba vasinasaun kontra COVID-19 nian ba komunidade Suku Tirilolo, Postu Administrativu Iliomar, Munisípiu Lautem.

Xefe Sentru Saúde Postu Administrativu Iliomar Munisípiu Lautem, Narcisio Camões hateten, objetivu vizita hosi ekipa MS nasionál ne’e oinsá  hakbesik ba komunidade hodi fó korajen ba komunidade atu partisipa iha vasina kontra peste letál COVID-19.

Narcisio Camões ba Agência Tatoli liuhosi telefónika, informa, maske durante ekipa saúde Postu Administrativu Iliomar nian halo esforsu loroloron halo sosializasaun vasina nian ba komunidade maibé vizita hosi nasionál ne’e importante tebes oinsá haforsa sira divulgasaun no diseminasaun kona-ba esforsu hasae imunidade liuhosi vasina.

Komunidade Postu Administrativu Iliomar daudaun ne’e simu ona vasina bele hateten atinje ona 80%, no seidauk simu ne’e 20% hanesan ne’e, tanba kada loron ekipa saúde ba suku sira tuir komunidade fó vasina.

Tuir projesaun hosi Ministériu Saúde alvu komunidade Iliomar ne’ebé atu simu vasina ne’e hamutuk 3,917 hahú hosi idade 18 ba leten, ne’ebé daudaun ne’e totál komunidade Iliomar ne’ebé simu ona vasina  2,406.

Jornalista : Arminda Fonseca

Editór       : Francisco Simões

HAKEREK NO HATÁN

Please enter your comment!
Please enter your name here