Kondisaun estrada atu asesu ba aldeia Holbese. Imajen Tatoli/Sérgio da Cruz.

BOBONARO, 30 agostu 2021 (TATOLI)—Primeiru-Vise, Dewan Solidaritas Mahasiswa Pemuda dan Pelejar  Bobonaro (DSMPPB), Juvêncio de Jesus, husu ukun-na’in sira atu kontinua luta nafatin hodi liberta povu iha tempu ohin loron.

Juvêncio de Jesus  husu ne’e, tanba determinasaun ba referendu, povu Timor-Leste (TL) konkista liuhosi votasaun sekreta, iha 30 agostu 1999, no ohin kompleta ona tinan 22.

Notísia relevante:Uma-ka’in 6.196 iha Bobonaro seidauk asesu eletrisidade

“DSMPPB ezije ba ukun na’in-sira atu halo dezenvolvimentu iha setór hotu-hotu, liuliu setór edukasaun, atu bele eduka povu sai matenek no sivilizadu iha futuru,” nia hateten ba jornalista Agência Tatoli, iha Maliana, segunda ne’e.

Nune’e mós Cornelis Raibaq, ne’ebé antes ne’e assume responsabilidade hanesan portavóz Dewan mini, munisípiu Bobonaro, hateten tinan 22 ona povu deside fó votu absoluta ba auto-determinasaun, maibé oras ne’e kontinua moris iha inserteza.

Inserteza, signifika iha ona formasaun Governu ba dala-ualu maibé povu sei kontinua halerik ba bee moos, eletrisidade, estrada no seluk tán.

Nia dehan, situasaun ne’e tenke sai reflesaun ba ukun na’in-sira iha komemorasaun loron konsulta populár ba dala-22, iha tinan ne’e hodi hadi’a povu nia moris tanba, tuir loloos ukun ne’e povu nian.

Jornalista: Sérgio da Cruz

Editór: Cipriano Colo

HAKEREK NO HATÁN

Please enter your comment!
Please enter your name here