Treinadór Klube Monumentu FC, Joel Amaral. Imajen Tatoli/Sérgio da Cruz

BOBONARO, 29 agostu 2021 (TATOLI)-Treinadór Klube Monumentu FC, Joel Amaral, husu Asosiasaun Futeból Bobonaro (AFB) atu hadi’a kualidade árbitru sira  Munisípiu Bobonaro nian.

Joel Amaral nota katak iha jogu finál Sub-22  epkoka 2021 entre Monumentu FC kontra Madiran FC,  árbitru no nia asistente foti desizaun kontráriu ne’ebé la kondíz ho situasaun jogu halo sira konsege kritika iha meza.

“Ha’u nota buat balun hosi árbitru no laña nia desizaun mak ladún másimu no la konsistente. Ha’u hakarak sujere de’it, tempu tuir mai presiza aumenta sira-nia koñesimentu no abilidade nu’udar árbitru,” Jose Amaral  haktuir  ba Agência Tatoli iha estádiu Malibaka Yamato Maliana, domingu ne’e.

Árbitru ne’ebé lidera jogu finál Sub-22 epoka 2021, kompostu hosi Arbritu Jefrianos Loy Maia dos Santos, Asistente I, Lucas Felis, Asistente II Mateus Marques no Árbitru IV, Domingos Vicente.

Prezidente Asosiasaun Futeból Bobonaro, Domingos Goveia rekoñese desizaun árbitru kontráriu duni ho nia asistente, maibé nia promete sei kontinua esforsu hadi’a sira nia prestasaun.

“Ita nia arbitrajen mak ida ne’e, atu di’ak ka aat ita tenke uza mak ida ne’e, tanba regra FIFA arbritrazen iha sertifikadu, mak bele dirije jogu, tamba ne’e ba oin ami nafatin esforsu fó formasaun ba sira para bele hadi’ak liu tan kualidade,” nia promete.

Total Árbitru iha Asosiasaun Futeból Bobonaro (AFB) na’in-36 hetan ona formasaun hosi departamentu Arbitrajen nasionál no hosi númeru ne’e, na’in-10 kompostu hosi feto rua no mane ualu iha Sertifikadu Nivel (C), na’in-11 sertifikadu Nivel (D) no sira remata formasaun iha 2020.

Iha fulan kotuk ne’e Departamentu Arbitrajen Nasional halo selesaun hetan tan árbitru 15 ho sertifikadu nivel (D) no posivelmente sei halo tan selesaun dala ida ba hetan sertifikadu Nivel (C) iha nasionál.

Jornalista       : Sérgio da Cruz

Editor             :  Francisco Simões

 

HAKEREK NO HATÁN

Please enter your comment!
Please enter your name here