FC Dalas United sai kampiaun iha Timor Cup. Imajen Tatoli/Celso Oliveira

REINU UNIDU, 28 agostu 2021 (TATOLI)-FC Dalas United sai kampiaun iha Timor Cup ne’ebé halo iha Vivacity Orton Bushfield iha sidade Peterborough, Reinu Unidu, sábadu (28/08).

Asosiasaun Desportiva Timor iha Reinu Unidu (ADT-UK)  organiza torneiu ne’e hodi komemora tinan 22 loron konsulta populár (30 agostu 1999-30 agostu 2021), ne’ebé halibur ekipa 12 hosi sidade sira iha Inglaterra laran hanesan Peterborough, Cambridge, Milton Keynes, Crewe, Bristol no seluk tan.

Iha parte lokraik, marka prezensa Embaixadór Timor iha Reinu Unidu, Gil da Costa, hodi entrega tasa ba manan nain sira Timor Cup, FC Dalas United, FC Aileba nu’udar segundu lugar ho FC Cultura iha terseiru lugar.

Sidade Peterborough halibur timoroan besik rihun ida. Dezde Timor restaura nia ukun rasik-an, iha 20 maiu 2002, timoroan barak lao husik rai Timor hodi buka moris iha ema nia rain.

 Kontribuidór : Celso Oliveira

Editór             : Francisco Simões

 

HAKEREK NO HATÁN

Please enter your comment!
Please enter your name here