Foer namkari iha Izolamentu Bairru Costa, Covalima. Imajen Tatoli/Celestina Teles

COVALIMA, 25  agostu 2021 (TATOLI)–Diretór Servisu Saúde Munisípiu Covalima, Filipe Pereira Lemos, rekoñese kondisaun sala izolamentu iha bairru Costa, Munisípiu Covalima la ijiene.

Notísia Relevante : Abitante Covalima 30,348 simu ona vasina

“Loos, ha’u mós ba vizita iha sala izolamentu  bairru Costa, ha’u haree lixu nakonu iha sala izolamentu, no ha’u orienta kedas pesoál ne’ebé responsabilidade ba limpeza nian hodi halo jestaun ba lixu,” Filipe Pereira Lemos informa ba Agência Tatoli iha Covalima, kuarta ne’e

Filipe dehan, lixu nakonu iha sala izolamentu sei fó impaktu ba pasiente sira-nia saúde, tanba ne’e  parte saúde prepara ona lixeiru, nune’e pasiente sira bele tau lixu.

Iha sorin seluk, pasiente rekuperadu Covid-19, Remígio da Costa preokupa kondisaun sala izolamentu iha bairru Costa, Covalima ne’ebé nakonu ho lixu tanba ne’e pasiente sira ho inisiativa hamoos rasik ambiente no kuartu iha sala izolamentu.

“Durante ha’u iha sala izolamentu, ami rasik halo limpeza atu nune’e  labele hada’et tan moras mai ami,” Remígio hateten.

Jornalista   : Celestina Teles

Editór        : Francisco Simões

HAKEREK NO HATÁN

Please enter your comment!
Please enter your name here