Reuniaun Konsellu Ministru, iha Palásiu Governu, kuarta (25/08). Imajen TATOLI/Egas Cristóvão

DILI, 25 agostu 2021 (TATOLI)—Ministru Prezidénsia Konsellu Ministru, Fidelis Manuel Leite Magalhães, aprezenta Projetu Dekretu-Lei iha reuniaun Konsellu Ministru (KM), ne’ebé hetan ona aprovasaun, kona-ba baze jerál organizasaun administrasaun públika. 

“Projetu Dekretu-Lei ne’e atu promove koerénsia lejizlasaun ne’ebé adopta ona iha matéria administrativa, hodi favorese unidade, efisiénsia no efikásia hosi asaun,” Ministru Fidelis hateten hafoin reuniaun ezekutivu iha Palásiu Governu.

Tuir Portavós Governu, diploma ne’e define prinsípiu efisiénsia administrativa ne’ebé administrasaun direta no indireta Estadu bele garante másima efisiénsia iha uzu rekursu públiku sira, ba satisfasaun nesesidade koletiva, tuir interese públika no respeita ba sidadaun sira-nia direitu.

Nune’e, administrasun direta no indireta Estadu bele hatán ho efikás interese públiku, ne’ebé la konsidera kualkér atuasaun hosi interese privadu iha organizasaun.

Jornalista : Antónia Gusmão

Editora     : Julia Chatarina

HAKEREK NO HATÁN

Please enter your comment!
Please enter your name here