Logotipu FFTL no Bandeira RDTL. Imajen/FFTL

DILI, 25 agostu 2021 (TATOLI) – Xefe departamentu ne’ebé trata asuntu grassroots Federasaun Futeból Timor-Leste (FFTL), Gaspar Quintão hateten, bazeia ba númeru COVID-19 ne’ebé sa’e maka’as kada loron iha Dili no munisipiu sira, nune’e provatóriu hapara lai atividade ba grassroots nian.

“Atividade grassroots ka treinamentu ba idade ki’ik sira iha futeból ita hapara provizóriu lai tanba kada loron númeru pozitivu COVID-19 aumenta beibeik, loloos ne’e ita atu hala’o fali atividade iha agostu ne’e nia laran, maibé haree ba situasaun la di’ak ita hapara lai,” Gaspar  Quintão informa ba Agência Tatoli iha edifísiu FFTL, Dili, kuarta ne’e.

Nia dehan, bainhira númeru pozitivu COVID-19 menus no la afeta ona ba ema nia vida mak sei hala’o hikas fali atividade ba labarik sira.

Total labarik ne’ebé antes ne’e FFTL halibur hodi hala’o treinamentu iha FFTL besik 100 no labarik hirak-ne’e ho idade tinan-neen (6) to’o tinan-12.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here