iklan

COVALIMA, COVID-19, MUNISÍPIU, SAÚDE

Estudante 100 pozitivu COVID-19, CCC dezinfeta ETV ho CTC Salele

Estudante 100 pozitivu COVID-19, CCC dezinfeta ETV ho CTC Salele

Voluntáriu CCC halo dezinfetante ba ETV ho CTC Salele, Covalima. Imajen Tatoli/Celestina Teles

COVALIMA, 25  agostu 2021 (TATOLI)-Voluntáriu sira Sentru Komunidade Covalima (CCC, sigla portugés), kuarta ne’e, dezinfeta Eskola Tékniku Vokasionál (ETV)  ho Sentru Treinamentu Claret  (CTC)  Salele nu’udar esforsu ida atu luta kombate propagasaun COVID-19.

“Ami halo dezinfeta iha ETV no CTC Salele tanba iha loron hirak liubá pesoál deteta estudante sira pozitivu COVID-19. Durante ami apoiu saúde hodi halo dezinfeta iha fatin públiku sira iha Munisípiu Covalima,” koordenadór CCC, Januário de Fátima, informa ba jornalista iha Salele, Covalima.

Iha loron hirak liubá pesoál saúde sira halo teste swab ba estudante sira no rezultadu hatudu estudante 100 mak pozitivu COVID-19.

CCC kontinua halo dezinfeta iha Postu Unidade Patrullamentu Fronteira (UPF) Kasabauk , Wala  ho sede suku sira  tanba fatin públiku risku ba nakda’et peste letál ne’e.

Misionáriu Klaretiano, Padre Juan Anger Artiles Roberto, konsidera asaun CCC nian ne’e ajuda tebes sosiedade Covalima hodi hakotu korrente COVID-19.

Dadus ne’ebé padre Juan Anger simu hosi saúde katak iha eskola tékniku vokasionál no sentru treinamentu Claret ema na’in 100 resin pozitivu COVID-19.  Enkuantu dadus Ministériu Saúde fó sai katak kazu ativu iha Munisípiu Covalima hamutuk 258

Jornalista   : Celestina Teles

Editór        : Francisco Simões

 

iklan
iklan

Leave a Reply

iklan
error: Content is protected !!