Logotipu PLAN Internasionál

DILI, 24 agostu 2021 (TATOLI)– PLAN Internasionál Timor-Leste koopera ho organizasaun Rural Youth Action (RYA) konstrui eskola rua (2) iha Suku Faturilau, Postu Administrativu Lequidoe ho Suku Raifusa lokaliza ba Postu Administrativu Aileu Villa, Munisipiu Aileu.

“Eskola rua ne’e foin lalais estraga hosi anin-boot, entaun ami foti inisiativa hodi hadi’a hikas eskola rua-ne’e hodi alunu sira bele eskola fali,” Koordenadór projetu dezastre PLAN Internasionál Timor-Leste,  Eduardo da Costa ba Agência Tatoli iha nia servisu fatin, Bairo dos Grilhos, Dili, tersa ne’e.

Orsamentu ba konstroi eskola rua ne’e hamutuk rihun lima-resin ne’ebé apoiu hosi Austrália Humanitarian Partnership (AHP).

Nia dehan, hosi eskola rua ne’e, kada eskola iha sala de aula rua. Konstrusaun ba eskola rua-ne’e hahú iha 2019 no remata iha 2021. Nune’e, estudante ne’ebé agora aprende hela iha eskola rua-ne’e hamutuk na’in-100-resin.

Jornalista   : Hortencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here