Jogadora FC Nain-Feto lori bola bainhira jogu hasoru FC São José iha Kampu FFTL ho rezultadu São José hetan derrota 5-1. Imajen/FFTL

DILI, 24 agostu 2021 (TATOLI) – Prezidente FC São José, Antonio Timotio, deklara FC São José iha ambisaun boot hodi manan nia adversáriu FC UNITAL iha Liga Feto Timor (LFT).

Ekipa rua sei hasoru malu iha semana ne’e iha kampu Federasaun Futeból Timor – Leste (FFTL). Nune’e, FC São José tenke “halakon FC UNITAL atu bele halibur pontu.

“Foin lais joga ita lakon tanba ladún prepara másimu, maibé agora ami hakarak manan UNITAL iha jogu semana ne’e, agora ami treinu másimu ona, ami fiar sei manan UNITAL,” Antonio Timotio hateten ba Agência Tatoli iha kampu FFTL Dili, tersa ne’e.

Jogadór São José hamutuk na’in-23 no maioria jogadór simu ona vasina kompletu.

Iha semana kotuk São José iha nia jornada primeiru hasoru Nain Feto FC, maibé derrota 5-1. Tanba ne’e iha jornada segundu sira esforsu atu manan hodi bele hadau pontu tolu hosi adversáriu UNITAL.

Jornalista   : Hortencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here