Sekretáriu Estadu ba Asuntus Kombatentes Libertasaun Nasionál, Gil da Costa Monteiro 'Oan Soru'. Imajen TATOLI/Egas Cristóvão

BAUCAU, 20 agostu 2021 (TATOLI)—Sekretáriu Estadu Asuntu Kombatente no Libertasaun Nasionál, Gil da Costa Monteiro ‘Oan Soru’ husu veteranu atu halo reflesaun iha aniversáriu FALINTIL 46, nune’e hanoin pasadu, reafirma prezente atu projeta iha futuru ne’ebé di’ak ba jerasaun kontinuadór.

“Hanesan veteranu, tenke halo reflesaun ba pasadu ne’ebé purfundu no moruk, se lae ninia abut ka kaer rai metin, ninia fuan la tebar no funan sei la buras,” Sekretáriu estadu hateten iha Sentru Konvensaun Baucau (CCB, sigla portugés), sesta ne’e.

Nia dehan, maski laiha selebrasaun iha munisípiu hanesan kada tinan, maibé hotu-hotu tenki hamutuk hanoin tinan 46 ba kotuk to’o mai ohin.

“Ita ita hotu tenki halo reflesaun ba loron ohin hodi agradese ba insurisaun armada ne’ebé mosu iha  tinan 1975, ne’ebé kontrola Timór laran tomak ho polítika idologia FRETILIN iha tempu ne’ebá,” Oan Soru akresenta.

Jornalista : Natalino Belo

Editora      : Julia Chatarina

HAKEREK NO HATÁN

Please enter your comment!
Please enter your name here