Diretór Alfándega Munisípiu Covalima, Nuno Nuguiera. Imajen Tatoli/Celestina Teles

COVALIMA, 20 agostu 2021 (TATOLI)- Dezde fevereiru to’o agostu nia rohan, , Autoridade Aduaneira (AA) ka Alfándega Munisípiu Covalima  kontribui ona reseita $93,373.09 ba kofre Estadu.

“Ami rekolla reseita  bazeia ba despaixu hosi Ministériu Interior númeru 40 hateten katak movimentu  transporte  iha fronteira semana ida dala ida, iha loron kuarta hodi tula sasán nesesidade bázika, materiál konstrusaun no mós mobiliáriu depende ba nesesidade,”  Diretór Alfándega Munisípiu Covalima, Nuno Nuguiera informa ba Agência Tatoli iha edifísiu Alfandega, Bairru Costa, sesta ne’e.

“Tinan ne’e Alfándega rekolla taxa aas kompara ho 2020, Alfándega rekolla de’it rihun $94-resin maibé tinan ne’e hahú fevreiru  to’o metade agostu ne’e $93,373.09 nune’e iha tinan tomak 2021 ne’e bele atinje  $250,000.00,” Nuno Nuguiera  hateten.

Jornalista : Celestina Teles

Editór       : Francisco Simões

HAKEREK NO HATÁN

Please enter your comment!
Please enter your name here