Logotipu PNDS

COVALIMA, 19 agostu 2021 (TATOLI)-Programa Nasionál Dezenvolvimentu Suku (PNDS), kinta ne’e, iha suku Camanasa, Covalima, hala’o diálogu ho ekipa jestaun suku no komunidade kona-bá konstrusaun  drenajen.

“Ha’u nia prezensa ohin buka solusaun tanba falta koordenasaun implementa programa PNDS halo konstrusaun drenajen seidauk finaliza,” Diretora PNDS Nasional, Claudina Soares Pinto, informa ba Agência Tatoli hafoin halo diálogu ho komunidade Camanasa.

Diretora PNDS hala’o diálogu ho ekipa  jestaun suku no sei halo pagamentu ba kamioneta sia (9) ne’ebé ra’ut rai-maten iha suku Camanasa nune’e bele konklui projetu ne’e, iha tempu badak

Motorista José Amaral hateten Diretora PNDS Nasional hala’o diálogu tanba kompañia lakohi halo pagamentu ba motorista kamioneta sia (9) ne’ebé ra’ut rai-maten.

“Ho Diretora Nasional PNDS nia prezensa halo diálogu ho ami no iha ona solusaun iha tempu badak sei halo pagamentu ba motorista kamioneta sia,” José Amaral hateten.

Orsamentu ne’ebé PNDS halo pagamentu ba motorista kamioneta ra’ut rai-maten hamutuk $3,000.00-resin.

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here