Diretór Konsevasaun Internasionál iha Timor-Leste, Manuel Mendes. Imajen TATOLI/Francisco Sony

DILI, 19 agostu 2021 (TATOLI)—Diretór Konservasaun Internasionál, Manuel Mendes, hateten, daudaun ne’e tenta halo reflorestasaun iha área ho risku degradasaun ambientál boot.

“Kada área viveiru estabelese ai-oan 10.000 iha, ne’ebé hanesan ai-floresta no ai-fuan. Ami distribui ba komunidade hodi bele kuda iha sira-nia to’os fatin no área ne’ebé iha nia  degradasaun ambientál boot, ne’ebé identifika oras ne’e daudaun iha ektare 500, tanba ne’e koko atu halo reflorestasaun,” Diretór Konservasaun internasionál, Manuel Mendes, informa ba Agência TATOLI, iha salaun Ministériu Agrikultura no Peska (MAP), Comoro, kinta ne’e.

Tuir dadus hosi Konservasaun internasionál, área degradasaun iha territóriu nasionál hamutuk ektare 300.000, ne’ebé parte boot liu iha área norte hanesan Manatuto, Dili, no Liquiçá, ne’ebé komunidade tesi ai no sunu rai arbiru kada tinan.

“Tanba ne’e, atubele redús deflorestasaun ba ambiente, liuliu ai ne’ebé lakon maka tenta atu lori viveiru ba komunidade,” nia akresenta.

Jornalista : Natalino Costa

Editora     : Julia Chatarina

HAKEREK NO HATÁN

Please enter your comment!
Please enter your name here