Hospitál Nasionál Guido Valadares (HNGV). Imajen Tatoli/Egas Cristóvão.

DILI, 19 agostu 2021 (TATOLI)—Durante fulan juñu to’o jullu, Ospitál Nasionál Guido Valadares (HNGV sígla portugés), rekolla reseita $4.413.095, ho klasifikasaun fulan juñu hamutuk $1.429.730, no jullu $2.983.365.

“Iha juñu no jullu reseita iha mudansa maski iha situasaun COVID-19, maibé sala VIP ema nakonu hela de’it,” Diretór  Administrasaun Finansa no Lojístika, HNGV, Duarte Marçal de Araújo, hateten ba jornalista-sira iha Bidau, kinta ne’e.

Notísia relevante:Lalika tauk atu mai konsulta iha HNGV

Haree ba kazu iha Dili sa’e makás, entaun HNGV reforsa hikas regulamentu interna hodi autoriza de’it família na’in-ida mak hein pasiente no loron ida vizita dala ida atu evita transmisaun COVID-19.

Reseita ne’ebé HNGV rekolla durante fulan rua ne’e maihosi Laboratóriu, atestadu médiku, sentru matan, operasaun, XR, OPD, maternidade, emerjénsia, VIP, mortuáriu, interna no sirurjia.

Hosi departementu hirak ne’e, sala VIP mak kontribui montante boot  liu tanba pasiente barak mak uza no oras-ne’e daudaun iha sala VIP hamutuk 20 no kalan ida ho presu $35 ba timoroan no estranjeiru kalan ida $50, inklui  sala VVIP rua ne’ebé folin kalan ida $50 ba membru órgaun soberania-sira.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here