Sekertáriadu Estadu Protesaun Sivíl (SEPS), Joaquim José Gusmão dos Reis Martins. Imajen Tatoli/Francisco Sony.

DILI, 19 agostu 2021 (TATOLI)—Tuir dadus hosi Sekretária Estadu Protesaun Sivíl (SEPS), iha família hamutuk 271 ho membru família 1.362 mak daudaun ne’e kontinua hela iha sentru akollamentu hitu iha munisípiu Dili, ne’ebé afetadu hosi dezastre naturál iha 14 abríl.

Sentru akollamentu hirak-ne’e mak hanesan Komunidade Dom Bosco Comoro akuluma família 37, Igreja Parókia Hera iha família 14, sede suku Manleuana iha família 41, eis restaurante Metiaut familia sia (9), Rate-Ain Canosa kotuk iha família hitu (7) no sentru akollamentu merkadu Comoro iha família 138 ne’ebé foin lalais sai vítima ba inséndiu.

Notísia relevante:Abitante 3.379 kontinua hela iha sentru evakuasaun

“Família sira ne’ebé kontinua iha sentru akollamentu hodi hein planu re-alokasaun,” Sekretáriu Estadu SEPS, Joaquim Gusmão, hateten ba jornalista iha Caicoli, kinta ne’e.

Dadus SEPS mós hatudu katak, hosi família afetadu ba dezastre naturál iha 14 abríl,  hamutuk  30.636 no uma ne’ebé hetan estragu 4.435  maioria iha Dili, ne’ebé simu ona apoiu umanitáriu 28.080 ho ekivalénsia  (92%).

Hosi númeru uma ne’ebé hetan estragu simu ona apoiu rekoperasaun ba materiál konstrusaun iha 1.235 no seida’uk simu 3.170.

SEPS halo ona akizasaun ba sasán nesesidade báziku hodi bele distribui ba família hirak ne’ebé simu apoiu.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here