Tékniku EDTL hadi’a fiu liña eletrisidade ne’ebé a’at, iha área Dili, kuarta (21/070. Imajen TATOLI/António Gonçalves

DILI, 18 agostu 2021 (TATOLI)—Governu liuhosi reuniaun Konsellu Ministru (KM) delibera hodi autoriza Ministru Finansa, Rui Augusto Gomes, halo negosiasaun ho Banku Dezenvolvimentu Aziátiku (ADB, sigla inglés) kona-ba kondisaun espesífika ba empréstimu relasiona ho implementasaun projetu modernizasaun distribuisaun enerjia elétrika.

“Haree katak negosiasaun inisiál sira tenke dezenvolve hosi ekipa téknika ida ne’ebé lidera hosi Ministériu Finansa no membru sira ne’ebé integra iha ekipa negosiasaun sei nomeia liuhosi despaixu ida,” Ministru Prezidénsia Konsellu Ministru, Fidelis Manuel Leite Magalhães, hateten hafoin ramata reuniaun ezekutivu, iha Palásiu Governu, kuarta ne’e.

Notísia relevante: Governu halo esforsu mobiliza rekursu moderniza sistema distribuisaun eletrisidade

Inisiativa atu moderniza sistema distribuisaun eletrisidade, bainhira avaria iha fatin ruma, tékniku Eletricidade de Timor-Leste (EDTL) bele identifika lokál seluk hodi fornese fali enerjia eletrisidade hosi fatin seluk, nune’e labele fó impaktu ba kliente sira ne’ebé asesu iha liña ka feeder ida de’it.

Aleinde ne’e, sub-estasaun iha kapitál Dili iha ida de’it iha Kamea no ninia liña distribuisaun fornese enerjia eletrisidade hosi Becora to’o Mota-ulun Comoro, tanba ne’e bainhira komunidade ne’ebé hela iha liña ne’e iha problema avaria ida, maka sei la hetan hotu enerjia eletrisidade, nune’e mós ba liña seluk.

Nune’e, bainhira sistema dijitalizadu ona, bele izola de’it iha fatin avariasaun no fatin seluk bele kontinua hetan enerjia eletrisidade.

Jornalista : Antónia Gusmão

Editora     : Julia Chatarina

HAKEREK NO HATÁN

Please enter your comment!
Please enter your name here