Buibere FC sai kampiaun Tasa Rosa "Muki" Bonaparte 2020. Imajen/FFTL

DILI, 18 agostu 2021 (TATOLI) – Treinadór FC Buibere, Octaviano Esperito hateten, FC Buibere prontu enfrenta S’Amuser FC iha jogu abertura ba Liga Feto Timor (LFT) ne’ebé sei re-aliza iha Estádiu Munisipál Dili, sábadu (21/08).

Notísia Relevante : Abertura LFT, Maudoko kontra VDL

“Ami nia jogadór na’in-11 mak treinu hela iha selesaun nasionál, nune’e ami preparadu, kada loraik ami sempre hala’o treinamentu ne’ebé ami prontu no preparadu iha jogu abertura ne’e,” Octaviano Esperito haktuir ba Agência Tatoli iha kampu Federasaun Futeból Timor-Leste (FFTL), kuarta ne’e.

Nia rekoñese S’Amuser iha jogadór ne’ebé kualidade, maibé la sai kestaun ba klube nafatin jogu. Daudaun ne’e jogadór Buibere hamutuk  na’in-26, nune’e treinadór ne’e garante sei manan iha jogu mai ne’e.

Buibere hanesan klube forte iha Primeira Divizaun LFT tanba iha liga primeiru Buibere mak sai hanesan ekipa kampiaun primeiru ba LFT 2020.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here