Vise-Prezidente Komisaun Veteranu munisípiu Bobonaro, Lúcio Dinis Marques kódigu ‘OANSAR’. Imajen Tatoli/Sérgio da Cruz.

BOBONARO, 18 agostu 2021 (TATOLI)— Komisaun Nasionál Vetranu sei halo verifikasaun uluk kona-bá dadus veteranu iha, postu administrativu Lolotoe munisipiu Bobonaro, ne’ebe rejistadu ona iha 2009.

“Oráriu mai hosi nasionál, iha 23 agostu hahú verifika dadus iha Lolotoe, tanba besik udan kondisaun estrada la di’ak. Entaun, tenke aselera uluk mak iha Loloto’e, depois mai Bobonaro, Cailaco, Atabae no Maliana,” Vise-Prezidente Komisaun Veteranu munisípiu Bobonaro, Lúcio Dinis Marques kódigu ‘OANSAR’, informa ba jornalista Agênsia Tatoli, iha Holsa Maliana, kuarta ne’e.

Notísia relevante:SEACLN esplika prosesu verifikasaun dadus veteranu iha Viqueque

Daudaun ne’e, ekipa ida kompostu hosi Konselu Veteranu Nasional no reprezentante Komisaun Vetaranu munisipiu Bobonaro, prepara hela atu hahú halo verifikasaun iha suku Cowa, Leo-lima, Leohitu Postu administrativu Balibo, ne’ebé tuir planu sei konklui iha 21 agostu.

Rekezitu rejistrasaun, komisaun sei halo idetifikasaun profunda, no sei akompaña hosi Prezidente Komisaun Veteranu Munisípiu Bobonaro, bazeia ba  informasaun ne’ebé asistente polítiku-sira aprezenta kada suku.

“Ami sei komfirma katak, ema ne’e veteranu loos ka la’e, sei husu iha asistente politiku mak hatene tuir ema sira ne’e desde rejisténsia, kontribui ka la’e. Hosi ida-ne’e mak ami komisaun sei hato’o buat ne’ebé loos,” nia esplika.

Bainhira ekipa konklui dadus iha suku 50 iha munisipiu Bobonaro mak deteta ema balun falsifika dukumentu, Komisaun sei halo fali re-verifikasaun hodi buka lia loos.

Tuir dadus hosi Komisaun Veteranu munisipál Bobonaro, totál veteranu na’in 1.500 resin mak válidu no aprovadu   tuir Lei no seidauk aprovadu  hamutuk 2.000-resin.

Jornalista: Sérgio da Cruz

Editór: Cipriano Colo

HAKEREK NO HATÁN

Please enter your comment!
Please enter your name here