Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (18/08). Imajen TATOLI/Egas Cristóvão

DILI, 18 agostu 2021 (TATOLI)–Governu liuhosi reuniaun Konsellu Ministru (KM) delibera hodi propoin ba Prezidente Repúblika, Francisco Guterres Lú Olo, atu renova Estadu Emerjénsia (EE) ba loron 30 tan.

Ezekutivu sira foti desizaun ne’e, hafoin analiza aprezentasaun kona-ba pontu situasaun epidemiolójika nasionál hosi Sala Situasaun Sentru Integradu Jestaun Krize (CIGC, sigla portugés).

“Inisiativa ne’e bele evita no neutraliza risku propagasaun variante foun SARS-CoV-2, bele proteje saúde públika no iha kapasidade resposta hosi Sistema Nasionál Saúde,” Ministru Prezidénsia Konsellu Ministru, Fidelis Manuel Leite Magalhães, hateten, hafoin ramata reuniaun ezekutivu iha Palásiu Governu, kuarta ne’e.

Nune’e, renovasaun EE ba da-XVII permite Governu suspende direitu no garantia fundamentál balun.

Enkuantu, EE ne’ebé sei vijente, abranje territóriu nasionál tomak no vigora entre tuku 00:00 loron 01 agostu to’o tuku 23:59 loron 30 agostu 2021.

Jornalista : Antónia Gusmão

Editora     : Julia Chatarina

HAKEREK NO HATÁN

Please enter your comment!
Please enter your name here