ofisiál rejistu uma-lisan iha Postu Administrativu Suai Villa, Munisípiu Covalima, tuir formasaun. Imajen Tatoli/Celestina Teles

COVALIMA, 18 agostu 2021 (TATOLI) – Ekipa hosi Sekretáriu Estadu Asuntu Kombatente Libertasaun Nasional (SEACLN, sigla portugés)  servisu hamutuk ho konsellu munisipál, kuarta ne’e, fó treinamentu ba ofisiál  rejistu uma-lisan  iha Postu Administrativu  Suai Villa, Munisípiu Covalima.

“Pedidu levantamentu ne’e ita prioridade  atu identifika tuir uma-lisan , ema ne’ebé mate iha  funu tanba ukun rasik an , hahú hosi baze de apoiu mai to’o 1999,” membru Konsellu Munisipál Kombatente Libertasaun Nasionál, Joaquim Barros “Sikat let”, informa ba Agência Tatoli iha salaun Postu Administrativu Suai Villa.

Formasaun ba ofisiál sira  ne’e kona-bá mekanizmu atu prienxe kestionáriu hodi halo  rejistu ba uma-lisan sira iha Postu Suai Villa, Munisípiu Covalima, hodi bele identifika tuir uma-lisan ema ne’ebé mate tanba buka ukun rasik an

Tuir planu ekipa hosi nasionál ne’e sei fó formasaun ba ofisial rejistu uma-lisan iha postu administrativu  hitu (7) Munisípiu Covalima.

Administradór Postu Suai Villa, Laurentino de Jesus hateten, formasaun ne’e importante tebes nune’e ofisiál rejistu uma-lisan sira bele halo levantamentu dadus ba uma-lisan iha Covalima.

“Ita bele identifika no hatene uma-lisan ema ne’ebé  mate tanba ukun rasik an  ba rai ida-ne’e,” Laurentino hateten.

Jornalista   : Celestina Teles

Editór        : Francisco Simões

HAKEREK NO HATÁN

Please enter your comment!
Please enter your name here