Inspektór Jerál AIFAESA, Ernesto Monteiro. Imajen/AIFAESA

DILI, 18 agostu 2021 (TATOLI)—Inspestór Jerál Autoridade  Inspesaun Fiskalizasaun Atividade Ekonomia, Sanitária no Alimentar (AIFAESA), Ernesto Monteiro, informa, iha loron hirak liubá aplika multa $3.000 ba empreza produsaun bee hemu ho marka H20 tanba komete infasaun.

“Ami aplika infrasaun tanba laiha kondisaun ijiene halo produsaun,” Inspestór Jerál AIFAESA hateten ba ba Agência TATOLI,  iha ninia knaar fatin, Villa verde, kuarta ne’e.

Tuir Ernesto Monteiro bainhira lakohi selu multa mak tenke submete ba Ministériu Públiku hodi kumpre obrigasaun.

Bazeia ba Dekretu-Lei Governu 23/2009 kona-ba Rejime Infrasaun Administrativa Kontra Ekonomia no Seguransa Alimentár, konsidera infrasaun iha atividade ekonómika bele fó perigu ba seguransa, saúde no ijiene alimentár, ne’ebé ninia infrasaun iha atividade ekonómika identifika hosi asaun inspesaun alimentár no ekonómika sei impoen rejime sansionatóriu imediatu.

Iha artigu 5 iha dekretu hanesan kona-ba determinasaun medida koima, bainhira iha prátika infrasaun ne’ebé verifika iha situasaun ida hanesan falta ka insufisiénsia bens no servisu ba abastesimentu merkadu, inklui rejime relasionamentu.

Aleinde ne’e, infrasaun kona-ba alterasaun presu ne’ebé la normál iha merkadu, infratór hanesan pozisaun dominante iha merkadu relasiona ho bens no servisu ne’ebé hanesan objetu infrasaun, infratór aproveita ilisitamente situasaun ida hodi obriga karénsia adkirente, konsumidór no vendedór.

Nune’e mós, infrasaun ne’e permite alkansa lukru exesivu, infratór aproveita kondisaun konsumidór la rezidente, hanesan kolaborasaun ho ajente turístiku no infratór provoka situasaun danoza saúde públika ka ambientál.

Jornalista : Natalino Costa

Editora     : Julia Chatarina

HAKEREK NO HATÁN

Please enter your comment!
Please enter your name here