Vasina AstraZeneca, sesta (21/05/21). Imajen Tatoli/António Gonçalves.

OÉ-CUSSE, 18 agostu 2021 (TATOLI)—Dadus hosi Rejiaun Administrativa Espesiál Oé-Cusse Ambeno (RAEOA) haktuir, hahú hosi 22 abríl to’o 17 agostu 2021, abitante iha RAEOA hamutuk 22.800 (55%) simu ona vasina AstraZeneca doze dahuluk no doze daruak nian.

Notísia Relevante: COVID-19 iha RAEOA: Pozitivu 115, rekoperadu 35

“Ita-nia trajetu vasina COVID-19 hamutuk ema na’in 41.442, númeru dadús vasina COVID-19 iha RAEOA hahú hosi 22 abríl -17 agostu, ba doze primeiru no doze segundu, totál hamutuk ema naín 22.800 ho persentajen atinje ona 55%,” dehan Prezidente Autoridade RAEOA, Arsenio Paixao Bano hateten liuhosi konferensia imprensa ne’ebé hala’o iha salaun alfandega Palaban, suku Costa, sub-rejiaun Pante Makasar, Oé-Cusse, kuarta ne’e.

Dadús ne’e foti hosi kada sentru saúde komunitária iha sub-rejiaun sira mak hanesan Sentru Saúde Komunitária sub-rejiaun Nitibe hamutuk 2.981 (47%), sentru saúde komunitária Oésilo hamutuk 4.138 (64%), sentru saúde komunitária Baqui, sub-rejaiun Pante Makasar hamutuk 13.272 (60%) no sentru saúde komunitária Pasabe hamutuk 2.409 (49%).

Entretantu durante ne’e RAEOA simu vasina hosi nasionál, ho totál vial hamutuk 2315 ba 3418 dozes, kompostu hosi vasina AztraZeneca vial 1.867 ba 18670 dozes, vasina Sinovac hamutuk Vial 448 ba 448 dozes.

Autoridade ne’e hateten, kampaña vasinasaun nasionál sei kontinua implementa iha sub-rejiaun sira, tanba tuir trajetu Oé-Cusse tenke atinji to’o 80%, tanba ne’e iha 22 agostu ne’e kontinua vasina tan ba sira-ne’ebé foin simu doze primeiru iha fulan juñu foin lalais ne’e.

Notísia Relevante Serka sanitária iha RAEOA, Dili no Ermera to’o 30 agostu

Jornalista : Abílio Elo Nini

Editór       : Cancio Ximenes

HAKEREK NO HATÁN

Please enter your comment!
Please enter your name here