Sekretáriu Estadu Komunikasaun Sosiál, Merício Juvinal dos Reis ‘Akara’. Imajen TATOLI/Egas Cristóvão.

DILI, 17 agostu 2021 (TATOLI)—Sekretáriu Estadu Komunikalsaun Sosiál (MAPKOMS) Mericio Juvinal dos Reis Akara, husu ba públiku atu fiar de’it deklarasaun Primeiru-Ministru, Taur Matan Ruak, kona-ba livre iha territóriu nasionál bainhira kompleta ona vasina dala-rua.

Notísia Relevate: Governu deklara sidadaun simu vasina kompleta livre sirkulasaun sein teste

“Governu ida-ne’e Primeiru-Ministru mak Xefe Governu. Sida mak Primeiru-Ministru ko’alia ne’e bazea ba desizaun Konsellu Ministru, tanba ekipa sira-ne’ebe mak ita kria ne’e atu implementa de’it desizaun konsellu Minsitru nian. Ha’u hakarak karifika kata deklarasaun Primeiru-Ministru mak vale no funsiona iha territóriu Timor laran tomak,” Mericio Juvinal dos Reis Akara, ko’alia iha Parlamentu Nasionál, hodi fó hanoin ba públiku, tersa ne’e.

SEKOMS ko’alia kestaun ne’e hodi fó resposta ba Deputadu Bankada KHUNTO, Luis Roberto da Silva, ne’ebé kestiona informasaun entre Primeiru-Ministru no Ministra Saúde tanba ho versaun la hanesan.

“Ita-nia Ministra Saude ko’alia katak kuandu vasina dala-rua ona livre maibé foin daudaun ne’e ha’u simu informasaun ida husi NGO katak kuandu sira viajen ba halo serbisu durante semana ida halo fali swab. Ita labele kria konfuzaun iha komunidade nia leet,” nia dehan.

Governante ne’e haktuir, ema-ne’ebé mak simu vasina ba dala-rua hanesan Primeiru-Ministru deklara tiha ona livre asesu ba fatin ne’ebé de’it, la presiza halo teste swab maibé bele iha kazu espesífiku ne’ebé mak dalaruma Ministra Saúde iha razaun maske ema simu ona vasina dalarua, maibé bele transmite nafatin entaun tenke halo tratamentu ketak.

Jornalista : Evaristo Soares Martins

Editór       : Cancio Ximenes

HAKEREK NO HATÁN

Please enter your comment!
Please enter your name here