Reitór UNTL, João Soares Martins. Imajen Tatoli/Egas Cristóvão.

DILI, 17 agostu 2021 (TATOLI)-Reitór Universidade Nasionál Timor Lorosa’e, (UNTL), João Soares Martins, husu ba  estudante UNTL  sira hotu atu simu vasina hodi bele partisipa iha ensinu aprendizajen aula prejensiál.

Notísia Relevante : Bolseiru Bolsa Hakbiit 480 asina termu kontratu eskola iha UNTL

UNTL rasik hetan ona despaixu ka sirkulár ne’ebé mai hosi Ministériu Ensinu Superiór, Siénsia no Kultura (MESSK) katak alula prejensiál ba ensinu superiór sira hahú iha loron 09 agostu, tanba ne’e bainhira despaixu ne’e tun UNTL rasik re-ativa kedas aula prejensiál.

“Ami nota katak partisipasaun estudante kada  fakuldade seidauk másimu, tanba ne’e estudante ka profesór sira ne’ebé seidauk simu vasina tenke simu tanba ida ne’e rekizitu  importante ida ba estudante sira atu tuir aula prejensiál,” João Soares Martins,  haktuir  jornalista-sira iha Salaun Auditóriu UNTL, Colmera, Dili, tersa ne’e.

Kona-ba númeru estudante no profesór-sira iha UNTL hira mak simu ona vasina no hira mak seidauk simu vasina,  João Soares Martins, seidauk iha dadus ne’ebé fiksu tanba daudaun ne’e fakuldade ida-idak sei halo hela identifikasaun ba númeru estudante ne’ebé simu ona vasina.

Jornalista   : Arminda Fonseca

Editór        : Francisco Simões

HAKEREK NO HATÁN

Please enter your comment!
Please enter your name here