Kondisaun estrada ba Aldeia Fatuloro, Suku Taroman, Postu Administrativu Fatululic, Munisípiu Covalima, la seguru ba movimentu transporte. Imajen Tatoli/Celestina Teles.

COVALIMA, 17 agostu 2021 (TATOLI)-Administradór Munisípiu Covalima, Francisco de Andrade, informa Munisípiu Covalima propoin proposta orsamentu iha planu no programa Orsamentu Jerál Estadu (OJE) 2022 nian ho montante  millaun $3.652,651.

“Orsamentu ne’e submete ba Ministériu Administrasaun Estatál (MAE) mak sei  aprezenta no halo debate iha Parlamentu  Nasionál,” Administradór Munisípiu Covalima informa ba Tatoli iha nia kna’ar fatin, Covalima, tersa ne’e.

Orsamentu millaun $3.652,651 tau prioridade ba halo reabilitasaun  merkadu tradisionál iha Suku Camanasa  no iha Suku Debos kondisaun ladún di’ak, reabilita rezidénsia sekretáriu munisipál, konstrusaun drenajen, reabilitasaun irrigasaun, rezidénsia ba pesoál saúde no sede suku no seluk-seluk tan.

Jornalista   : Celestina Teles

Editór        : Francisco Simões

HAKEREK NO HATÁN

Please enter your comment!
Please enter your name here