Diretora SAS Baucau, Adriana Belo da Rosa. Imajen TATOLI/Natalino Belo

BAUCAU, 17 agostu 2021 (TATOLI)–Diretora Servisu Bee no Saneamentu (SAS) Baucau, Adriana Belo da Rosa, hateten, daudaun ne’e komunidade 45% mak asesu ona bee-moos.

“Durante ne’e komunidade asesu hela bee-moos, maski la’ós loron tomak, maibé kada loron pelu menus oras ida ba rua bee sempre mai,” Diretora SAS hateten iha Sentru Konvensaun Baucau (CCB, sigla portugés) tersa ne’e.

Tuir Adriana, iha fatór hanesan rekursu umanu, finanaseiru no natureza mak durante ne’e difikulta servisu SAS iha Baucau.

“Ba futuru bainhira iha finanaseiru sufisiente, sei aumenta rekursu umanu balun,” nia akresenta.

Tuir planu, sei kanaliza tan bee-matan seluk hosi Uailie mata-bere iha Darsula no Gariuai ne’ebé Kompañia Água de Portugés (AdP) mak sei implementa projetu ne’e.

“Daudaun halo hela dezeñu detalladu, karik iha setembru sei finaliza no kompañia sei mai halo fali teste volume bee ne’ebé prepara ona no sei aumenta adisionál ba bee matan seluk hanesan iha Uailili,” nia hatutan.

Iha Baucau, iha área Villa nova no antiga komunidade sira asesu bee matan Uailia ne’ebé mak naturalmente volume bee limitadu no SAS Baucau tenke halo oráriu distribuisaun, nune’e komunidade hotu bele asesu.

Jornalista : Natalino Belo

Editora     : Julia Chatarina

HAKEREK NO HATÁN

Please enter your comment!
Please enter your name here