Vasina AstraZeneca. Imajen Tatoli/António Gonçalves

COVALIMA, 17 agostu 2021 (TATOLI) – Abitante hamutuk 23,297 hosi postu administrativu hitu (7) iha Munisípiu Covalima simu ona vasina. Nune’e persentajen vasina iha Covalima atinje ona 58%.

Abitante 23,297 simu vasina ne’e kompostu hosi abitante Postu Administrativu Tilomar  na’in-3,528,  Suai Villa (8,704), Maucatar (3,513), Fatululik (1080), Fohorem (1,764), ho Futumea (1,734).

Administradór Munisípiu Covalima, Francisco de Andrade, informa dadus sira-nia parte rekolla hatudu katak abitante 16,930 mak seidauk simu vasina iha Covalima.

 “Ami iha Covalima seidauk atinje alvu 40,227, maibé populasaun foin simu vasina 23,297 tanba ne’e Ha’u orienta ona ekipa taskforce atu kontinua  halo sensibilizasaun  ba komunidade hodi bele simu vasina,” Francisco de Andrade informa ba Agência Tatoli iha nia servisu fatin, tersa ne’e.

Antes ne’e, Xefe  Sentru Saúde Zumalai, Rui Amaral hateten, populasaun ne’ebé simu ona vasina iha sentru saúde  Zumalai besik  rihun  ona.

“Ami sei tun halo sensibilizasaun hodi fó informasaun ba komunidade kona-bá vasina atu komunidade labele ta’uk simu vasina,” Rui  Amaral hateten.

Jornalista   : Celestina Teles

Editór        : Francisco Simões

HAKEREK NO HATÁN

Please enter your comment!
Please enter your name here