Inspektór Jerál AIFAESA, Ernesto Monteiro. Imajen/AIFAESA

DILI, 16 agostu 2021 (TATOLI)–Inspetór Autoridade  Inspesaun Fiskalizasaun Atividade Ekonomia Sanitária no Alimentar (AIFAESA), Ernesto Monteiro, informa, reseita tinan ne’e menus.

“To’o ohin loron ami rekolla koima $19.000, maibé ne’e la’ós koima ba tinan ida-ne’e de’it, maibé hanesan prosesu sira ne’ebé tinan uluk, hahú hosi outubru, novembru no dezembru 2020,” Inspestór AIFAESA hateten iha ninia knaar fatin, Villa verde, segunda ne’e.

Nia dehan, reseita ne’e maioria hanesan koima ne’ebé empreza ka operadór ekonómiku selu ba AIFAESA liuhosi prosesu irregularidade ne’ebé komete.

“Sira balun selu koima kompletu no balun seidauk konsege selu, maibé ida-ne’e ami-nia parte jurídiku maka hatene tanba prosesu hotu parte operasaun nia hato’o ona ba sira no sira maka bolu kompañia atu selu koima,” nia akresenta.

Jornalista : Natalino Costa

Editora     : Julia Chatarina

HAKEREK NO HATÁN

Please enter your comment!
Please enter your name here