Sekretáriu Rejionál Asuntu Terras Propriedade no Planu Ordenamentu Territóriu, Antonio Hermenegildo da Costa. Imajen Tatoli/Abílio Elo Nini

OÉ-CUSSE, 16 agostu 2021 (TATOLI)-Sekretáriu Rejionál Asuntu Terras  Propriedade no Planu Ordenamentu Territóriu, iha Rejiaun Administrativu Espesiál Oé-Cusse Ambeno (RAEOA) identifika ona fatin-rua atu aprezenta iha reuniaun membru autoridade atu bele deside sai semitériu ba óbitu COVID-19.

“Fatin rua ne’e  iha Suku Bobokase, Aldeia Bairru Buneo  ho Aldeia Fatubijae  ho rai nia luan ektare ida, no iha Suku Lifau iha Aldeia Tula-Ika ho nia medida ektare ida,” Sekretáriu Rejionál Asuntu Terras Propriedade no Planu Ordenamentu Territóriu, Antonio Hermenegildo da Costa, informa ba Agência Tatoli iha Sikluli, Suku Costa, Sub-rejaiun Pante Makasar, segunda ne’e.

Ekipa Sekretáriu Rejionál  Asuntu Terras  Propriedade no Planu Ordenamentu Territóriu, konvida ona Prezidente Autoridade ba observa rasik, tanba fatin rua ne’e sei ba aprezenta iha reuniaun membru autoridade hodi hili fatin ida uza ba semitériu COVID-19.

Totál kazu konfirmadu COVID-19 iha RAEOA to’o  segunda ne’e, rejista kazu pozitivu COVID-19 hamutuk 99, óbitu seidauk iha (-) no kumpre hela kuarentena obrigatóriu hamutuk 59.

Jornalista   : Abílio Elo Nini
Editór        : Francisco Simões

HAKEREK NO HATÁN

Please enter your comment!
Please enter your name here