Diretór Jerál DNRN, Crisogno da Costa Neto. Imajen Tatoli/Domingos Piedade.

DILI, 16 agostu 2021 (TATOLI)—Ministériu Justisa (MJ) indefere pedidu inskrisaun hosi kandidatu partidu foun ho naran Partidu Unidade Dezenvolvimentu Nasionál (PUDN).

MJ indefere  tanba PUDN la kompleta dokumentu-sira tuir lei partidu polítiku hanesan estatutu no manuál partidu, kartaun eleitorál apoiante ho seluk tan.

Notísia relevante:MJ simu pedidu inskrisaun hosi PUDN   

“Ministru halo idenferimentu iha 10 agostu no notifika ona hodi kompleta dokumentu,” Diretór Nasionál Serbisu Rejistu Notariadu (DNRN), Crisogno da Costa, hateten ba jornalista Agência Tatoli, segunda ne’e.

Tanba ne’e, kandidatu partidu ne’e presiza kompleta rekezitu-sira hanesan lori fila-fali ba konservatóriu iha serbisu notariadu, atu halo autentikasaun, hodi enkamiña ba Tribunál Rekursu (TR) bele haree fila-fali loos ona mak rejista hanesan partidu no hetan personalidade jurídika.

Diretór ne’e esplika, tuir lei primeiru alterasaun partidu polítiku númeru 2/2016 iha artigu 13 nu’udár rekezitu ba partidu foun, tenke kumpre dokumentu válidu sira, hodi hatama ho númeru apoiante rihun 20, emblema, Bandeira no programa polítiku.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here