Diretór DTT Viqueque, Elvino da Cruz. Imajen Tatoli/Vitorino Lopes da Costa.

VIQUEQUE, 16 agostu 2021 (TATOLI)—Ministériu Transporte no Komunikasaun (MTK), liuhosi Diresaun Transporte Terrestre (DTT) munisipál Viqueque, rekolla $4.460 ba kofre Estadu, durante fulan juñu.

“Hosi juñu, reseita ne’ebé ami kolleta hamutuk $4.460. Reseita sira-ne’e, ami enkamiña ona ba diresaun nasionál,” Diretór DTT Viqueque, Elvino da Cruz, hateten ba jornalista Agência Tatoli, iha edifísiu DTT, Beloi, segunda ne’e.

Notísia relevante:PNDS Viqueque simu motorizada 33

Totál kolleta hosi jullu hamutuk $4.460 maihosi inspesaun ho totál invoice 442 no totál reseita hamutuk  $3.685, Tránzitu Públiku totál invoice hamutuk 20 ho totál reseita $450, karta kondusaun totál invoice 6 totál reseita hamutuk $65, rejistu totál invoice 22  totál reseita $260, infrasaun laiha, no totál reseita laiha, nune’e totál invoice 490.

Iha periúdu Estadu emerjénsia, kada loron funsionáriu sira simu klente na’in-sanulu, no funsionáriu-sira sempre husu kliente-sira mai uza maskára no fase liman atu evita transmisaun moras COVID-19.

Reseita ne’e depende mós ba situasaun COVID-19, tanba  limita instituisaun hotu-hotu labele hala’o ninia funsaun normál, hodi halo atendimentu ba kliente-sira ba veíkulu iha munisípiu Viqueque.

Tuir dadus, hahú hosi janeiru to’o juñu, diresaun ne’e kolleta reseita iha munisípiu Baucau, maibé hosi diploma ministeriál númeru 45/2019 iha jullu fó ona kompeténsia ba  DTT Viqueque atu bele jere rekursu rasik.

Maski limitadu, maibé dependénsia, nune’e ba tinan 2022 ba oin kona-ba reseita transporte públiku bele rezolve ona iha munisípiu Viqeuque.

Dezafiu ne’ebé DTT Vqueque hasoru maka menus fasilidade, maibé esforsu nafatin hodi halo atendimentu públiku.

Funsionáriu ne’ebé serbisu iha DTT Viqueque, kontratadu hamutuk na’in-15 ne’ebé ba oin presiza hadi’a hodi halo atendimentu ba públiku.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here