Ministru Turizmu Komérsiu no Indústria, José Lucas do Carmo da Silva. Imajen TATOLI/Francisco Sony

COVALIM, 13 agostu 2021 (TATOLI) – Ministériu Turizmu, Komérsiu no Indústria (MTCI, sigla portugés) fó prioridade  ba dezenvolvimentu turizmu komunitária hodi haforsa setór ekonomia  produtivu.

“Ita atu diversifika ekonomia,  ita hamosu ita-nia programa prioridade la’ós programa foun, programa iha ona planu dezenvolvimentu nasionál  2021 – 2022 hodi dezenvolve turizmu iha rai-laran,” Ministru Turizmu Komérsiu no Indústria, José Lucas do Carmo da Silva, hateten iha nia bainhira hala’o vizita ba Munisípiu Covalima, sesta ne’e

Ministru José Lucas do Carmo da Silva, hateten fortifika no esforsu hodi hamosu kriatividade iha rai-laran hanesan turizmu komunitária no kultura, sítiu istóriku no relijiozu sei tau prioridade hodi bele dezenvolve.

Nia afirma tan, polítika VIII Governu Konstitusionál fó konfiansa ba komunidade sai sentru ba dezenvolvimentu no sei fó kapasitasaun programa turizmu komunitária hanesan programa pilotu.

Iha sorin seluk, administradór Munisípiu Covalima, Francisco de Andrade husu ba autoridade lokál , diretór munisipál no estudante aproveita oportunidade hodi rona informasaun kona-ba komérsiu indústria no turizmu nian.

“Ministru mai vizita ita no ita aproveita oportunidade bele ko’alia  ho ita no rona ita-nia preokupasaun,” nia hateten.

 Jornalista : Celestina Teles

Editór        : Francisco Simões

 

 

HAKEREK NO HATÁN

Please enter your comment!
Please enter your name here