Rejumu Matéra Eskola. Imajen Tatoli/Francisco Sony

DILI, 13 agostu 2021(TATOLI)-Edukasaun Munisípiu Dili liuhosi  komunidade Kurríkulu Nasionál no mós Diretór Jerál Ensinu Báziku ho Sekundária  deside no fo sai ona sirkulár ida katak ezame periodu daruak (segundu periodu) ba ensinu báziku no sekundária sira Munisípiu Dili sei hahú iha loron 23 to’o 27 agostu 2021.

Notísia Relevante : MEJD halo distribuisaun rezumu matéria no kaderneta ba eskola-sira

“Ami deside ezame periodu daruak nian ba eskola sira iha  Munisípiu Dili sei realiza iha loron 23-27 agostu 2021, maibé ida ne’e depende progresu evolusaun pandemia ne’ebé mak agora daudaun la’o hela ne’e,” Diretór Servisu Edukasaun Munisípiu Dili (SEMD), Duarte Bragansa, informa ba Agência Tatoli liuhosi telefónika, sesta ne’e.

Ministru Edukasaun, Juventude no Desportu, Armindo Maia ho Diretór Servisu Edukasaun Munisípiu Dili no Diretór Nasionál Asume Sosiál Eskolár Ministériu Edukasaun nian halo koordenasaun ona ho parte Saúde Munisípiu Dili  no Sentru Integradu Jestaun Krize (CIGC-sigla portugés) sei fó desizaun ruma, maibé data fiksu ezame nian mak 23-27 agostu ne’e.

Nia dehan, kona-ba ezame durante pandemia estudante sira iha uma la hala’o aula prezensa, maibé MEJD iha meiu barak atu trata asuntu sira ne’ebé relasiona ho pandemia ida-ne’e, suspensaun atividade ensinu aprendizajen Governu deside orienta eskola sira-hotu, fahe rezumu matéria sira, atu fó resposta ba problema alunu sira ne’ebé labele asesu ba programa  ka aula online.

Diretór Eskola Ensinu Sekundária Jerál 04 setembru UNAMET, Dili, Sergio Alfredo da Cruz, hateten kona-ba ezame periodu daruak nian eskola UNAMET rasik preparadu ona tanba antes ne’e profesór sira fó rezumu ba estudante sira estuda iha uma.

“Ami hein de’it despaixu tun dehan fó ezame ami prontu tanba ami-nia estudante hahú klase I to’o III hamutuk na’in 4.115 preparadu ona,” nia dehan.

Nia afirma, kona-ba vasina ba profesór sira, maske MEJD hasai ona despaixu katak profesór sira ne’ebé la simu vasina labele hanorin, maibé despaixu refere loloos ne’e tenke haruka ba eskola sira nune’e profesór sira bele kumpre.

Jornalista   : Arminda Fonseca

Editór         :  Francisco Simões

HAKEREK NO HATÁN

Please enter your comment!
Please enter your name here