Eis Preidente da Republika, Ramos Horta, akompaña hosi na’in ba kompañia, Nilton Gusmão no Dirijente kompañia, prosesu produsaun bee GOTA, iha Fatuhada, kinta (12/08). Imajen TATOLI/António Gonçalves

DILI, 12  agostu 2021 (TATOLI)—Eis Prezidente Repúblika, José Ramos Horta, halo vizita ida ba empreza GOTA ne’ebé prodúz bee hemu no iha biban ne’e nia parte husu orgaun kompetente sira hodi prodúz lejizlasaun valoriza produtu nasionál.

Prosesu produsaun bee GOTA, iha Fatuhada, kinta (12/08). Imajen TATOLI/António Gonçalves

“Husu Governu no Parlamentu Nasionál (PN) tenke halo lejizlasaun ne’ebé kuadu iha ona produtu nasionál ida, importasaun loloos la devia, maibé agora Governu labele proibe tanba ita adota merkadu livre. Bainhira produtu mai hosi li’ur tau impostu no produtu nasionál la tau impostu, ho ajuda konta eletrisidade no ajuda juru bankáriu ne’ebé kama’an, labele todan liu, ne’e maka Governu bele ajuda,” Horta hateten hafoin ramata vizita sede GOTA, iha Fatuhada, kinta ne’e.

Traballadór enxe bee hemu embalajen iha kaixa, iha fatin produsaun bee GOTA, iha Fatuhada, kinta (12/08). Imajen TATOLI/António Gonçalves

Nia husu entidade hotu atu promove produtu lokál hanesan GOTA no iha sentidu orgullu.

Horta nota katak durante ne’e iha seremónia boot balun, timor-oan ladún promove produtu lokál.

“Tanba ne’e maka ha’u mai atu apoia kompañia nasionál no fó hanoin kona-ba kestaun saúde públika,” nia akresenta.

Biban ne’e, nia parte kongratula GOTA tanba bele prodúz ona bee ho kualidade no tuir padraun internasionál.

Eis Preidente da Republika, Ramos Horta, akompaña hosi na’in ba kompañia, Nilton Gusmão no Dirijente kompañia, prosesu produsaun bee GOTA, iha Fatuhada, kinta (12/08). Imajen TATOLI/António Gonçalves

“Parabéns ba kompañia no traballadór sira ne’ebé prodúz bee tuir padraun rai boot iha rejiaun Amérika, Uniaun Europeia, Austrália, ne’ebé Timór bele halo kualidade no responsablidade,” nia hatutan.

Iha fatin,  Diretór Jerál GOTA, Mário Martinho da Silva, garante produsaun bee Gota.

“Ida-ne’e maka ita hakarak hatudu ba mundu katak timor-oan bele investe ba rai ida-ne’e,” nia informa.

Tuir Dirijente ne’e, produsaun GOTA kada loron bee kaixa 10.500 ne’ebé bele fornese ba Timór laran tomak.

“Ami agora halo hela kooperasaun ho institusaun sira atubele promove ita-nia produtu sira ne’e,” nia tenik.

Jornalista : Natalino Costa

Editora     : Julia Chatarina

HAKEREK NO HATÁN

Please enter your comment!
Please enter your name here