iklan

EDUKASAUN, MUNISÍPIU, VIQUEQUE

SEFOPE re-ativa sentru formasaun Beaço

SEFOPE re-ativa sentru formasaun Beaço

Estudante iha sentru formasaun Beaço, munisípiu Viqueque. Imajen Tatoli/Vitorino Lopes da Costa.

VIQUEQUE, 12 agostu 2021 (TATOLI)—Sekretáriu Estadu Formasaun Profisionál no Empregu (SEFOPE), re-ativa ona prosesu aprendizazen iha sentru formasaun Beaço, munisípiu Viqueque, iha segunda 09 agostu, ho totál estudante na’in-60 ne’ebé selesionadu iha teste foin lalais ne’e.

Fromandu hirak-ne’e destakadu iha área formasaun lima mak hanesan, konstrusaun jerál, eletrisidade, karpintaria, kanalizasaun, soldadura no pedreiru.

Notísia relevante:Kandidatu 119 ba sentru formasaun Beaço partisipa teste eskrita

“Estudante sira ne’ebé uma dook hosi sentru formasaun Beaço, sira hela de’it iha sentru formasaun. Tanba formasaun hahú segunda to’o sesta,” Diretór SEFOPE, Munisipál, Simões da Silva, hateten ba jornalista Agência Tatoli, kinta ne’e.

Sentru formasaun Beaço iha sala-de-aula lima, nune’e kada área iha ema na’in 12 no ida ne’e natón hela atu kumpre nafatin medida prevensaun COVID-19 hanesan distánsia sosiál.

Estudante na’in 60 ne’e mai hosi postu administrativu lima mak hanesan Viqueque Vila, Ossu, Lacluta, Uatulari no Uatucabau, ho formadór-sira mai hosi SEFOPE.

Jornalista: Vitorino Lopes da Costa

Editór: Cipriano Colo

iklan
iklan

Leave a Reply

iklan
error: Content is protected !!