Embaixadór Repúblika Árabe Sarauí Demokrátika iha Timor-Leste, Boibait Malainin. Imajen Tatoli/ Evaristo Soares Martins.

DILI, 12 agostu 2021 (TATOLI) —   Embaixadór Repúblika Árabe Sarauí Demokrátika iha Timor-Leste, Boibait Malainin informa progresu autodeterminasaun povu Sarauí nian ba Prezidente Parlamentu Nasionál, Deputadu Aniceto Longuinhos Guterres Lopes.

“Ha’u iha oportunidade hodi hasoru-malu ho Prezidente Parlamentu Nasionál, hodi informa kona-bá progresu auto-determinasaun Repúblika Árabe Saraui ka Sahara Osidentál,” Boibait Malainin Boibuat, informa asuntu ne’e, hafoin hasoru-malu ho xefe lejizladór iha uma fukun, kinta ne’e.

Notísia relevante:Embaixadór Repúblika Demokrátika Saharawi despede Xefe Estadu

Embaixadór Repúblika Árabe Sarauí ne’e mós informa kona-bá prosesu polítika no misaun hosi Organizasaun Nasaun Unida (ONU) iha rai ne’e to’o oras-ne’e seidauk realiza referendu.

“Ami mós ko’alia kona-bá luta libertasaun povu Sahara Osidentál-nian ba autodeterminasaun tanba nasaun Morroko viola cesar fogo (gencatan senjata) durante tinan 19,” nia esplika.

Sahara Osidental nu’udár territóriu ne’ebé disputa iha nordeste tasi Áfrika nian no seidauk independente. Sahara baliza ho Arjélia nordeste, ho Marroko parte norte no Mauritánia Leste no Súl.

Sidade Sahara Osidentál lokaliza iha El Aaiún ho luan 266.000 km² iha kontinente Áfrika, ne’ebé uza moeda Dirham Marroko no uza língua ofisiál Árabe.

 Jornalista: Evaristo Soares Martins

Editór: Cipriano Colo

HAKEREK NO HATÁN

Please enter your comment!
Please enter your name here