Logotipu SERVE,I.P

COVALIMA,  11 agostu 2021 (TATOLI) –Hosi juñu 2020 to’o ohin loron,  Servisu Rejistrasaun no Verifikasaun Emprezariál (SERVE),I.P  sukursál Covalima kontribui reseita ho montante $3.649 ba kofre Estadu.

Bazeia ba dekretu lei númeru 7/2017, 22  marsu, artigu 4 númeru 1 no 3 kona-ba Jurisdisaun no sede ne’ebé fó biban ba iha  SERVE, I.P rasik atu estabelese ninia sukursál iha territóriu tomak, hodi nune’e,  bele fasilita di’ak liután lisesna ba komunidade emprezariál iha territóriu nasionál.

Bazeia diploma ministerial númeru 34/2018, 31  outubru, sobre Emolumentos, ne’ebé hosi juñu  2020 to’o ohin loron, halo rekolla husi kustu  através husi resibu pagamentu ba iha Banco Nacional Comércio de Timor Leste (BNCTL) ba Pedidu Renovasaun dokumentu Emprezariál sira-nian, alterasaun no mós  Legaliza dokumentu emprezariál sira hamutuk $3.649,” Koordenadora SERVE, I.P Sukursál Munisípiu Covalima, Maria Fátima Luiza de Araújo, informa  ba Agência Tatoli iha nia kna’ar fatin, Covalima, kuartu ne’e.

Reseita sira-ne’e mai hosi pedidu alterasaun dokumentu  emprezariál sira-nian no pedidu renovasaun ba autorizasaun ba ezersísiu atividade sira ne’ebé maka kona kustu nian risku  médiu  no altu risku no  ba atividade baixu risku la kona kustu Ka laiha validade.

Renovasaun ba atividade sira médiu no alto risku ne’ebé  kona-ba kustu $45 ba tinan ida, no ba alterasaun averbamento kustu $5.00 no legaliza ba dokumentu  emprezáriu  sira hanesan Certidão ba Rezisto Komersial, Certificado  ba Rezisto Comerçial no Autorizasaun ba ezersísiu atividade kada folla ho kustu $0,5 centavos.

Jornalista   : Celestina Teles

Editór        : Francisco Simões

HAKEREK NO HATÁN

Please enter your comment!
Please enter your name here