Prezidente CCI-TL, Oscar Lima. Imajen TATOLI/Francisco Sony

DILI, 11 agostu 2021 (TATOLI)–Prezidente Kámara Komérsiu Indústria Timor-Leste (CCI-TL, sigla portugés), Osacar Lima, husu ba emprezáriu sira sai parseiru di’ak ba banku, nune’e bele asesu fasilidade bankária.

“Ita hanesan emprezáriu hakarak ka lakohi tenki sai amigu no parseiru di’ak ho banku tanba ita kuandu atu ba deve, banku la’ós dehan ita devedór, importante ita iha serbisu no bainhira ita serbisu, ita ba  deve  banku  ho  responsabilidade,” Prezidente CCI-TL hateten durante worshop hodi sosializasaun programa Ministériu Turizmu, Komérsiu noo Indústria (MTKI) kona-ba fasilidade kréditu suave ho funan 3%, ne’ebé realiza iha salaun Ministériu Agrikultura Peska, Comoro, kuarta ne’e.

Nia dehan, emprezáriu ida kuandu nia kapasidade finanseira la to’o ona, nia tenke halai ba banku atubele akomoda.

Do que ita halai ba kréditu partikulár ne’ebé ho juru boot tebes, ne’ebé balun 10% pur mes no balun 15%. Tanba ne’e, obrigasaun hanesan emprezáriu, ita hotu tenki sai parseiru di’ak ho  banku, la’os  BNCTL de’it, maibé ho banku Mandiri, BNU no BRI, tanba sira hotu mesak ita-nia membru hotu,” nia akresenta.

Tuir emprezáriu timor-oan ne’e, importante maka ita tenke buka kumpre obrigasaun ne’ebé banku hatuur ona ho responsabilidade.

Jornalista : Natalino Costa

Editora     : Julia Chatarina

HAKEREK NO HATÁN

Please enter your comment!
Please enter your name here