Konstrusaun Portu Baía Tibar, segunda (08/02). Imajen TATOLI/António Gonçalves

DILI, 11 agostu 2021 (TATOLI)–Governu liuhosi reuniaun Konsellu Ministru (KM), iha kuarta ne’e, aprova hikas projetu deliberasaun kona-ba revizaun ba valór tarifa ba taxa konsesaun no ba penalidade Portu Tibar.

Projetu deliberasaun ne’e aprezenta hosi Ministru Finansa, Rui Agusto Gomes, ne’ebé hetan apresiasaun no aprovasaun hosi KM.

“Revizaun ba valór hirak-ne’e ho fatór indesasaun 1,061, ne’ebé konsidera diminuisaun tráfegu karga, kompara ho previzaun sira ne’ebé konsidera realidade ekonómika iha tinan hirak ikus ne’e iha difikuldade tanba situasaun pandemia COVID-19,” Ministru Prezidénsia Konsellu Ministru, Fidelis Manuel Leite Magalhães, hateten, hafoin ramata reuniaun ezekutivu, iha Palásiu Governu, kuarta ne’e.

Notísia relevante: Governu halo revizaun tarifa kobransa ba utilizadór Portu Tibar

Nune’e mós, inisiativa ne’e mosu tanba konsidera vontade konsesionária hodi kontinua dezenvolve projetu no hahú opera ho lais liu no konsidera mós katak valór ne’ebé maihosi revizaun ne’e hanesan ho valór sira ne’ebé sei vigora hela, karik konsesionária hahú ona operasaun iha loron ne’ebé prevee ona,” nia akresenta.

Projetu Dekretu-Lei ne’e sai ona hanesan objetu deliberasaun iha sorumutuk ezekutivu iha loron 28 jullu 2021, maibé tanba iha alterasaun balun iha faze redasaun finál, presiza submete fali Dekretu-Lei ne’e ba deliberasaun foun KM.

Iha loron 30 agostu 2018, Primeiru-Ministru, Taur Matan Ruak, halo lansamentu ba konstrusaun Portu Tibar no tuir planu finaliza konstrusaun iha maiu 2022.

Konstrsaun Portu Tibar, lokaliza iha kilómetru 10 husi Oeste Dili, iha Baía Tibar, munísipiu Liquiçá, ne’ebé hanesan infraestutura prioritária ne’ebé indetifika ona iha Planu Estratéjiku Dezenvolvimentu Nasionál (PED) 2011-2030.

Konstrsaun Portu Tibar, lokaliza iha kilómetru 10 hosi Oeste Dili, iha Baía Tibar, munísipiu Liquiçá, ne’ebé hanesan infraestutura prioritária ne’ebé indetifika ona iha Planu Estratéjiku Dezenvolvimentu Nasionál (PED) 2011-2030.

Projetu ne’e hanesan konstrusaun nível internasionál, ne’ebé ezekuta liuhosi Timor-Port S.A ho modalidade Parseira Públika Privada (PPP), ne’ebé halo konsórsiu ho Bolloré no Governu Timor-Leste.

Ba konstrusaun ne’e, Governu aloka millaun $130, enkuantu Timor Port no Bolloré hamutuk millaun $140, totál millaun $270 ba faze inísiu.

Enkuantu, totál investimentu orsamentu ba Portu Tibar to’o tinan 30 ho valór millaun $500.

Jornalista : Antónia Gusmão

Editora     : Julia Chatarina

HAKEREK NO HATÁN

Please enter your comment!
Please enter your name here