Adeptus no Populasaun asiste jogu final kopa FFTL iha Estadiu Munisipal CAFE, Ermera. Imajen Tatoli/Dok

DILI, 11 agostu 2021 (TATOLI) – Sekretáriu Ezekutivu Liga Futeból Timor–Leste (LFTL), Francisco Marçal S. da Silva, konfirma  katak, sesta (13/08), órgaun liga  hala’o reuniaun ho klube hamutuk 20 ne’ebé hamahan an iha LFTL hodi diskute kona-ba polémika ne’ebé akontese loron hira ba kotuk hodi adia liga no kopa FFTL ba setembru, tinan ne’e.

Notísia Relevante : Kopa FFTL adia ba setembru

“Ami kontaktu ona ho Prezidente LFTL no sesta agora hasoru malu ho klube sira hodi ko’alia fila fali kona-ba klube sira nia ezijénsia kona-ba jogu apuramentu ne’ebé atu involve klube Primeira Divizaun hamutuk 10,” Francisco Marçal S. da Silva, hateten ba Agência Tatoli iha edifísiu LFTL, Dili, kuarta ne’e.

Nia hatutan, desizaun hotu sei foti hosi Prezidente LFTL atu hala’o jogu apuramentu iha époka ne’e  ka tinan oin.

Ba oin LFTL no FFTL sei asina plataforma ida atu servisu hamutuk hodi lori futeból ba oin.

Kona-ba kalendáriu jogu automatikamente iha ona mudansa. Tanba ne’e, jogu hotu sei hala’o iha setembru to’o dezembru 2021.

Jornalista   : Hortencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here