Tezoureira Centro Formação Kadi Kakutak (CFKK), Octavia Marciana de Sousa do Rego. Imajen Tatoli/Nelia Fernandes.

DILI, 09 agostu 2021 (TATOLI)—Sentru Formasaun Kadi Kakutak (SFKK) oferese formasaun lian portugés ba funsionáriu Komité Orientadór 25 (KO25).

Notísia Relevante: Centro Formação Kadi Kakutak realiza formasaun liuhosi online

Tezoureira Sentru Formasaun Kadi Kakutak (SFKK), Octavia Marciana de Sousa do Rego, fiormasaun ne’e ho objetivu atu hakle’an funsionáriu KO25 nian kuñesimentu iha lian portugués.

“KO25 sira haree ami-nia públikasaun, liuhosi ami-nia pájina facebook nian, no iha momentu ne’ebá, sira fó fiar mai ami atu bele fahe netik matenek balun ne’ebé iha, hodi fó formasaun lian portugués ba funsionáriu KO25,” Octavia Marciana de Sousa do Rego, informa ba Agência Tatoli, iha Bedois, Dili, segunda ne’e.

Nia esplika, formasaun ba funsionáriu KO25 iha área portugués ba liu nível bázika ho konteúde temátika tolu.

“Formasaun ne’ebé ami fó iha konteúdu temátiku tolu, hanesan identidade ka aprezentasaun pesoál, rútina diária no serbisu públiku nomós iha konteúdu gramatikál sira,” nia dehan.

Formasaun ba funsionáriu KO25 ho nia durasaun fulan tolu, hahú iha fulan-agostu no sei ramata iha fulan-outubru tinan ne’e.

“Formasaun ba funsionáriu KO25, ami hahú ona iha loron-hitu (7) fulan ne’e, no formasaun ne’e semana ida dala-rua, ne’ebé ami realiza iha loron sábadu no domingu, hahú hosi tuku 10 to’o tuku 12,” nia informa.

Entretantu, totál funsionáriu Komité Orientador 25 (CO25) ne’ebé tuir formasaun ba lIan portugués hamutuk ema na’in-22. Hosi númeru ne’e feto na’in-sia (9), no mane na’in 13.

Jornalista : Nelia Fernandes

Editór       : Cancio Ximenes

HAKEREK NO HATÁN

Please enter your comment!
Please enter your name here