iklan

DILI, SOSIEDADE SIVĺL

Kazu pasajen ilegál kontinua tanba menus konsiénsia hosi abitante sira

Kazu pasajen ilegál kontinua tanba menus konsiénsia hosi abitante sira

Diretór Ezekutivu Forum Organizasaun Naun Governamentál Timor-Leste (FONGTIL), Daniel Santos do Carmo. Imajen Tatoli/Dok

DILI, 09 agostu 2021 (TATOLI)-Diretór Ezekutivu Forum Organizasaun Naun Governamentál Timor-Leste (FONGTIL), Daniel Santos do Carmo, hateten abitante sira kontinua halo viajen ilegál iha fronteira terrestre-sira tanba abitante sira menus konsiénsia.
Notísia Relevante : PNTL kaptura sidadaun 11 tenta hakat ilegál ba Atambua

“Kona-ba kazu pasajen ilegál ne’ebé kontinua mosu hanesan foin lalais akontese iha sábadu (07/08) tuku 03:00 madrugada iha área Suku Saburai, Postu Administrativu Maliana, Munisípiu Bobonaro, ne’e Estadu Timor-Leste bele tau forsa hotu-hotu iha fronteira mós abitante sira mak laiha konsiénsia,  entaun kazu pasajen ilegál ne’e kontinua mosu,” Daniel Santos do Carmo haktuir ba jornalista-sira iha salaun FONGTIL, Caicoli, Dili, segunda ne’e.

Nia konsidera kazu pasajen ilegál kontinua mosu la’ós tanba seguransa másimu ka lae, maibé depende ba konsiénsia sidadaun nian.

Atu evita ema labele halo pasajen ilegál, tuir nia, Governu presiza reforsa kontrolu fronteira, no membru Polísia Nasional Timor-Leste (PNTL) ne’ebé servisu iha fronteira ne’e tenke leál ba Estadu. Katak la fasilita abitante sira  atu komete irregularidade tama ema-nia soberania.

Jornalista   : Arminda Fonseca

Editór         : Francisco Simões

iklan
iklan

One Comment

  1. Laos faktores konsiensia mak determinante, nia funadamentu hahu husi neebe lai signifika hahu tranformasoens ema nia karakter, ema nia fuan, ema nia hanoin, ema nia fiziku (doutrina neebe loron-Loron konsumu) durante nee sira halao nia baze nee iha neebe loss.Matenek nain ida dehan wainhira ema nee hatan fo nia aan hodi halo aktividade ruma, husi fuan,hanoin no fiziku durante 21 dias sei muda ema nia personal.
    Iha nee em ligadu ho sira nia aktvidade neebe sira halao.
    Atu fo sala ba konsiensia sidadaun ida ita presija define uluk lai nia abut. Konsiensia nee sai norma moral ikus nia ba personagem subjetivu.

Leave a Reply

iklan
error: Content is protected !!