Komunidade bainhira simu vasina AstraZeneca iha Sentru Saúde Formosa, Dili, kuarta (21/07/21). Imajen Tatoli/António Gonçalves.

VIQUEQUE, 08 agostu 2021 (TATOLI)—Diretór Servisu Saúde Munisípiu Viqueque, Francisco de Carbalho, husu populasun tenke kontinua kumpre regra prevensaun tanba númeru kazu COVID-19 iha Viqueque sa’e ona ba na’in-56.

Notísia Relevante:  COVID-19, pozitivu 89 no ativu 1.335

“Ami husu ba populasaun tomak tenke kontinua kumpre regra prevensaun hosi organizasaun saúde mundiál (OMS) no Ministériu saúde (MS) nian, tanba dadaun ne’e ita kazu pozitivu sa’e maka’as. Ida ne’e risku tebes ne’ebé populasaun ida-idak mantein kumpre regra,” Francisco de Carbalho, hateten ba Agência Tatoli, liuhosi telefónika, domingu ne’e.

Tuir nia kazu poztivu COVID-19 aumeta beibeik ne’e tanba movimentu la’o ba-mai barak tanba ne’e mak agora daudaun Viqueque rejista kazu ne’e kontinua eziste.

Atu halo prevensaun, populasaun ida-idak kumpre regra hosi OMS no MS nian hanesan fase lima beibein, distánsia sosail, uza máskara no prevensaun ikus mak tenke ba simu vasina iha postu saúde sira. Se la kumpri posiblidade bele risku ba populasaun Viqueque.

“Ami kontinua halo vasinasaun kada loron ba komunidade sira no ami mós kontinua halo pormosaun kona-ba prevensaun COVID-19 ba komunidade hodi mantein regra prevensaun nian,” nia haktuir.

Servisu Saúde Nunisípiu Viqueque mós kontinua buka kontaktu ho pasiénte pozitivu sira no halo teste masal ba eskola sira hanesan Eskola Sekundáriu Santo Estevão hamutuk ema na’in-32 no rezulta ema na’in-neen (6) pozitivu, agora daudaun tama ona iha sala izolamentu.

Atu prevene no kombte COVID-19 ne’e, nia informa, populasaun hosi postu lima (5) iha Munisípiu Viqueque ne’e totál hamutuk ema na’in-23.631 mak simu vasina AstraZeneca.

Iha fatin seluk, Diretór Servisu Edukuaaun Munisípiu Viqueque, Emidio Amaral, hatutan parte edukasaun nafatin kolabora ho parte saúde hodi halo prevensaun covid-19.

“Estudante sira ne’ebé pozitivu tenke lori ba izolamentu tanba iha Viqueque kazu sa’e inklui estudante sira mós hetan pozitivu,” nia dehan.

Jornalista : Vitorino Lopes da Costa

Editór      : Cancio Ximenes

HAKEREK NO HATÁN

Please enter your comment!
Please enter your name here