Atividade Boxing Timor-Leste. Imajen Tatoli/Dok

DILI, 06 agostu 2021 (TATOLI) – Sekretáriu Estadu Juventude no Desportu (SEJD), Abrão Saldanha, sesta ne’e, simu audiénsia ho Federasaun Boxing Timor-Leste (FBTL) hodi ko’alia kona-bá komemorasaun loron Boxing nian ne’ebé sei realiza iha tempu besik.

“Boxing sira mai hasoru malu ho ami husu Governu nia apoiu ba sira-nia komemorasaun loron Boxing nian, hodi hatudu sira-nia ezisténsia iha Timor-Leste,” Sekretáriu Estadu Abrão  Saldanha informa ba Agência Tatoli iha Dili.

Kona-ba finansiamentu Governu bele tau sorin no sorin FBTL mak tenke tau nune’e bele realiza atividade sira-ne’e.

“Montante atu apoiu sira seidauk hatene tanba sei iha faze diskusaun hela, Governu konkorda ona apoiu ekipamentu ba jogu, prémiu no juri ho arbitrajen,” nia dehan.

Iha fatin hanesan Prezidente FBTL, Abrão Quintas hatete, atividade FBTL nian ne’ebé sei hala’o iha  loron 26-27 agostu, hodi komemora loron internasionál Boxing.

“Sira hosi International Boxing mak haruka karta mai atu selebra loron ne’e, ne’e mak ami mai hato’o ba SEJD atu apoiu netik buat ruma,” Abrão Quintas hateten.

Nia dehan, antes ne’e mosu problema interna balu iha FBTL maibé sira-nia estrutura tur hamutuk konsege rezolve hotu ona. Tanba ne’e mak selebra hikas atividade ne’e hotu hatudu ezisténsia Boxing iha Timor-Leste nafatin iha.

FBTL halo hela servisu maka’as atu realiza eventu ne’e ho jogu sa’e-riin entre atleta Boxing sira durante loron rua.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here