Diretór Jerál Peska MAP, Acacio Guterres. Imajen TATOLI/Natalino Costa

DILI, 05 agostu 2021 (TATOLI)–Diretór Jerál Peska Ministériu Agrikultura Peska (MAP), Acacio Guterres, hateten, diresaun propoin ona orsamentu millaun $3 iha Orsamentu Jerál Estadu (OJE) 2022.

“Orsamentu tinan oin, ita kontinua dezenvolve hakiak ikan ka aquikultura, hafoin ita kontinua fó formasaun ba peskadór sira ne’ebé maka hetan ona ró peska, hodi nune’e sira bele uza ró  ne’e ho di’ak,” Diretór Jerál Peska informa ba Agência TATOLI, iha ninia knaar fatin, kinta ne’e.

Tuir dirijente ne’e, aquikultura iha área rurál sei kontinua ho hakiak ikan bee midar no produsaun fini ikan, ne’ebé presiza formasaun espesífiku ba área ne’e.

Iha sorin seluk, ró peska hamutuk 38 ne’ebé antes ne’e Sekretaria Estadu Peska (SEP) fahe ba peskadór sira funsiona ho di’ak.

Ró peska hirak ne’e Lautém hetan tolu, Ainaro hetan rua, Fatuberliu, Manufahi hetan ualu, Dili hetan sanulu, no Beaço no Maliana hetan neen.

“Ró sira ne’e funsiona ho di’ak no entre ró sira ne’e, Betano maka utiliza ho di’ak no ajuda tebes grupu peskadór sira,” nia akresenta.

Jornalista : Natalino Costa

Editora      : Julia Chatarina

HAKEREK NO HATÁN

Please enter your comment!
Please enter your name here