Selebrasaun semana mundiál susu been inan iha suku Daisua, postu administrativu Same, Munisípiu Manufahi, kinta (05/08/21). Imajen Tatoli/Felicidade Ximenes.

MANUFAHI, 05 agostu 2021 (TTAOLI)—Labarik-sira atu moris ho saudável, inan-sira tenke hatene hili no tein hahan ne’ebé nutritivu, atu bele konsumu durante periúdu idade produtivu.

Koordenadora progama saúde inan no oan iha rejiaun II, Albertina de Rosa, hateten hahán ne’ebé nutritivu mak hanesan mak foos, batar, fehuk, talas, mostarda, senoura, tomate no seluk tan.

Notísia relevante:Susu been inan hasa’e imunidade labarik

“Hahán sira-ne’e mak fó forsa ka enerjia ba produtividade fíziku labarik-nian. Hahán hirak-ne’e tenki kahur mós ho proteina-sira inklui konsumu mós ai-fuan barak,” Albertina de Rosa, hateten ba jornalista Agência Tatoli iha suku Daisua, postu administrativu Manufahi, kuarta ne’e.

Fo-hanoin mós ba inan-sira katak, labele tein dala ida no han to’o kalan, maibé hahan tein troka menu, hodi hasa’e labarik sira-nia imunidade.

Alende ne’e, husu atu inan-sira bainhira tein sasoro karaik labele han hosi dader to’o fali kalan, no tenke tein sasoro kahur ho modo oioin.

Mensajen importante hosi Albertina de Rosa ba inan-sira katak, bainhira isin-rua ka durante fó-susu bebé, importante atu konsumu mós hahán saudável, hanesan mensiona iha leten.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here