Selebrasaun semana mundiál susu been inan iha suku Daisua, postu administrativu Same, Munisípiu Manufahi, kinta (05/08/21). Imajen Tatoli/Felicidade Ximenes.

MANUFAHI, 05 agostu 2021 (TATOLI)—Jerente Programa Saúde inan no oan iha Fundasaun Alola, Jesuina Maria Boavida Ximenes, hateten durante selebrasaun semana mundiál susu-been inan iha Munisípiu Manufahi, indentifika bebé saudável hamutuk 27.

“Ami identifika bebé saudável 27 iha suku haat. Dahuluk na’in 11 hosi suku Holarua, na’in-ida hosi suku Letefoho, na’in 14 iha suku Betano no na’in-ida iha suku Daisua,” Jesuina Maria Boavida Ximenes, hateten ba jornalista Agência Tatoli iha suku Daisua, postu adminsitrativu Manufahi, kinta ne’e.

Notísia relevante:Susu been inan hasa’e imunidade labarik

Bebé saudável hirak-ne’e, durante ne’e inan-sira fó susu-been eskluzivu no labarik-sira mós imunidade di’ak atu kontra moras no kontinua fó susu-been inan to’o tinan rua.

Komunidade suku Daisua, Carlito da Silva, hateten bainhira inan-sira la fó susu-been eskluzivu maka labarik-sira sei hetan moras tanba ne’e liuhosi programa ida-ne’e oinsá fó hanoin inan-sira atu fó susu-been eskluzivu ba oan durante moris to’o tinan rua.

Alende ne’e, identifika mós  inan isin-rua iha suku Holarua hamutuk na’in-lima, suku Letefoho na’in-rua, suku Betano na’in 16 no iha suku Daisua na’in 12.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here