Treinadór U-18, Eduardo Pereira. Imajen/LFA

DILI, 04 agostu 2021 (TATOLI) – Treinadór prinsipál selesaun nasionál U-18, Eduardo Pereira, hateten durante fulan ida hala’o treinamentu hatudu rezultadu di’ak no rekupera hikas jogadór sira-nia stamina ne’ebé monu durante pandemia Covid-19.

“Durante fulan ida, ami hala’o treinamentu hatudu rezultadu di’ak. Antes ne’e, ami halo jogu amizade ho ekipa selesaun nasionál U-23 no senior, jogadór sira halo tuir saida mak ami fó ba sira durante treinamentu no jogadór sira-nia stamina 80% rekuperadu kompara ho antes ne’e,” Eduardo Pereira hateten ba Agência Tatoli iha kampu FFTL, Dili, kuarta ne’e.

Iha fatin hanesan, jogadór ne’ebé hola parte iha treinamentu selesaun nasionál U-18 Filonito Nugeira hateten,  kontente tanba durante fulan ida hala’o treinamentu ho másimu.

“Durante fulan ida, ami hala’o treinamentu di’ak tebes. Ita hatene durante fulan haat (4) ba kotuk pandemia Covid-19 halo ferias tiha iha uma, maibé agora treinu fali stamina komesa rekupera,” Filonito Nugeira hateten.

Total jogadór selesaun nasionál U-18 hamutuk na’in 28. Enkuantu iha tinan ne’e laiha kompetisaun internasionál, maibé preparasaun ne’e hodi hein ba 2022 bainhira eventu internasionál ruma ba U-18 mak ekipa ne’e ba kompete.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here