Prezidente Parlamentu Nasionál, Aniceto Longuinhos Guterres Lopes. Imajen Tatoli/Francisco Sony.

DILI, 04 agostu 2021 (TATOLI)—Prezidente Parlamentu Nasionál (PN), Aniceto Longuinhos Guterres Lopes, relata funsionamentu no dezempeñu sesaun lejislativu durante tinan ida nian ba Prezidente Repúblika, Francisco Guuterres Lú Olo.

Notísia Relevante: Antes resesu, PN fó prioridade ba pakote lei eleitorál

“Nu’udar Prezidente Parlamentu mai atu informa no relata sesaun lejislativa ne’ebé ramata tiha ona ho nia prosesu no nia funsionamentu iha instiuisaun Parlamentu nian inklui ho dezempeñu durante tinan ida nian ba Prezidente Repúblika,” Aniceto Longuinhos Guterres Lopes hateten ba jornalista TATOLI, iha Palásiu Prezidensiál Nicolau Lobato, Bairru Pite, Dili, kuarta ne’e.

Sesaun lejislativa ba tinan ida-nian hosi 15 setembru to’o 15 jullu remata ona no iha loron ne’e Parlamentu Nasionál tama iha resesu.

Períodu resesu Parlamentu Nasionál nian sei la’o durante fulan-rua no Parlamentu Nasionál sei hahú fali sesaun lejislativa foun iha 15 setembru 2021 ba lejislatura ida iha sesaun lima.

Antes ne’e, iha enkontru dahuluk, Prezidente Repúblika husu ba Prezidente Parlamentu Nasionál atu fó prioridade ba lei sira ne’ebé sai prioritáriu mak Parlamentu Nasionál fó prioridade atu halo diskusaun Lei kona-ba Pakote Reforma Judisiáriu, Pakote Lei Eleitoral no Lei Enkuadramentu Jestaun Finanseira.

Notísia Relevante: PN konstitui ona Komisaun Permanente durante períodu resesu

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here